Познатиот дизјанер Michael Kors ја претстави својата есенска “ready to wear” колекција, уште во февруари. Акцентот беше ставен на удобност, софистицираност и слоевитост.
Колекцијата изобилува со волуменозни плетени џемпери, плисирани здолништа, кожни аксесоари и секако добро познатите чизми до колена. Нема сомнеж дека секое парче од оваа колекција мами воздишки и дека би сакале да ги имаме овие модни комбинации во нашите плакари. Тимот на nea.mk ви нуди опција како да постигнете runway изглед со парчиња кои се достапни во нашите продавници.
Еве што се носи оваа есен инспирирано од модните писти:
Оversized капут во беж боја, широки панталони и кондури инспирирани од легендарните Мартинки.
Долг хипи фустан, со црни набрани чизми на штикла и капут е комбинацијата која го отсликува овој изглед.
Јавачки чизми, тесни светли панталони, црн џемпер и црвен капут кој и дава „став“ на целата комбинација.
Повторно високи чизми на штикла, овој пат во комбинација со плисирана металик сукња, широк џемпер и голема ташна. И стоплени и дотерани.
Кожен долг фустан со каиш (доколку не носите кожа, може да биде и сатен или вештачка кожа), повторно високи чизми со штикла и ташна со строги линии. Ги сменивме боите, но сеуште функционира.
Кој е следниот моден гигант кој би сакале да го видите во оваа рубрика?
