Ако некој е доказ дека убавината и успешноста не познава години, тоа е Моника Белучи. Актерката е една од ретките која не брза во носењето одлуки. Таа вели дека ужива во секоја возраст и ги прави работите според своето време. Моника Белучи иако има 56 години, се појавува на листите за најубави жени на светот. Тоа е така неколку децении по ред. Актерката станува успешна по 30тата година, станува мајка прв пат на речиси 40 години, а после 50тата игра заводници. Нејзината популарност само расте со текот на годините.
Интересно е дека Белучи сакала да биде правник. Таа се запишала на правен факултет. Сепак додека студирала, добила понуда да стане модел и да оди во Милано. Тоа и го направила. Била дел од рекламни спотови, модел, и добивала помали улоги. Сепак, улогата на жената на Дракула, која ја прославила ја добива по 30тата година. Можеби најсекси улогата во Малена, ја глуми на 36 години. Често изјавува дека никогаш не би сакала повторно да има 20, алудирајќи дека попривлечно се чувстува по 40тата година. На 51 година, актерката игра бонд девојка.
Интересно е и тоа дека не трчала да одговори на општествените норми за тоа кога треба да стане мајка. Првото дете го родила на 39 години, а второто на 45. И продолжува да изгледа прекрасно, глумејќи улоги кои вклучуваат голотија со леснотија и самодоверба. Нејзиниот љубовен живот е помалку познат на јавноста, до бракот со Винсет Касел. Тие се во биле заедно 17 години, од кои 12 во брак. Но сепак се разделиле. Таа вели, дека не можете да знаете колку ќе трае. Можеби сега е прекрасно, а следната година не.
Често, жените се притиснати, особено во светот на глумата да успеат до 25тата година, да родат што побргу или воопшто, да се откажат од идејата дека ќе играат сексипилни улоги по 45тата. Не само во таа индутрија, туку и во животот овие стигми постојат за жените. Често, по 40тата година, жените се чувствуваат старо. Општеството ги убедува дека се искористени. Во меѓувреме гледаме легендарни жени, за кои кариерата тргнува по 30тата, 40тата. Гледаме жени кои одлучуваат да родат подоцна или воопшто. Гледаме царици, кои учат јазици и патуваат низ светот над 50. Стигмите и стереотипите постојат за да бидат срушени. Ако нешто можеме да научиме од Моника е дека ние сме тие кои одлучуваат. Можеме да се откажеме од младоста на 30, или да уживаме во живтот и да блескаме на секоја возраст.
Ние црпиме инспирација од светските, но и од домашните актерки. А дома, една од најубавите актерки и политичарки, Софија Куновска имаше прекрасно интервју и фотосесија за nea.mk
