Ве прашуваме: кои се луѓето на фотографиите? Разгледајте ги убаво, што е заедничко за нив? На крајот од овој текст ќе ви откриеме. Пред тоа, размислете: Од каде ги знаете? Дали ги знаете? Колку години имаат? Каде живеат? Како се викаат? Сме ги виделе ли на телевизија или на интернет?
Според анкетата во нашата (мала) редакција, оваа девојка има околу 35 години. Таа изгледа како да може да живее од Македонија, но може да доаѓа и од некоја друга држава. Русија, Украина, па дури и Америка. Изгледа позитивно и пријателски. Не ни беше позната од претходно, можеби од некоја емисија, но не сме сигурни.
На оваа фотографија, според нас е млада девојка. Девојките од тимот, кажуваа различни возрасти од 17,18 до 25. Како и да е, таа изгледа како позитивна девојка, паметна и симпатична.
На фотографијата гледаме повторно релативно млада девојка. Најверојатно на концерт. Дел од девојките кои ги прашавме, мислат дека можеби е музичарка. Веројатно живее во Америка или можеби Шпанија, Латинска Америка…
На последната слика е (релативно) млад маж, во 30тите години. Најверојатно работи во сектор финансии или техничка поддршка. Изгледа како да живее во Америка или Англија.
Ова беа нашите претпоставки, но што е вистината? И што е заедничко за овие лица? Тоа е дека ниту еден од нив не постои. Тие се генерирани од страна на вештачка интелегенција. Ги најдовме на сајтот thispersondoesnotexist.com. Со користење на софтвер, овој сајт спојува делови од други фотографии достапни на интернет, креирајќи лица кои не постојат, но изгледаат реално и познато.
Целта на текстот е да ве потсетиме уште еднаш да проверувате и да внимавате со кого комуницирате вие или вашето дете. Повеќе не е потребно да се „украдат“ фотографии од некого за да се направи лажен профил. Може да се генерира целосно нова слика! Па и целосно ново видео со личност која не постои. Тоа е наречено deer fake и често се користи за манипулации, особено во тек на избори, но и за промовирање или продавање на некои дискутабилни производи. Секогаш проверувајте.
Како да познаете дали ликот е вистински?
Како што се подобрува софтверот ќе биде тешко. Но доколку ги загледате фотографиите погоре ќе видите дека позадината е заматена, често обетките или краевите од косата, или ушите се чудни и разлеани… Барајте работи кои се чудни, како да не припаѓаат таму. Сепак, доколку се зближите со некого на интернет, распрашајте се. Видете дали имате заеднички пријатели, дали има други фотографии со нив, дали има фотографии од него и семејството и слично… Не секој е она што се претставува, и добро е да се потсетиме на тоа. Особено во време кога константно сме пред екранот.
Ако ве заинтересира темата, погледнете го и ова видео:
Видеото е направено од група новинари и едукатори во 4 земји (Кипар, Полска, Латвија и Литванија), со цел да ја претстави оваа тема.
