HIIT – High Intensity Interval Training според науката е најефикасниот начин, да го извадите масимумот од секоја минута вежбање. Иако на спортистите овој вид на тренинг не им е новина, сепак тој ја доби својата најголема слава изминатава декада.
Маратонците и атлетичарите, го користат овој вид на вежбање над 100 години, со цел да ја подобрат издржливоста. Тие тоа го прават со наизменични интервали на нормално трчање и спринт. Но, за нас „обичните смртници“, овој тренд се популаризираше во последните 10 години.
Многу студии, укажуваат на тоа дека со HIIT тренингот, добивате најмногу за вашето време. New York Times, беа меѓу првите кои го популаризираа овој вид на вежбање со т.н. „7-минутен тренинг“. Сепак, просечниот тренинг трае околу 30тина минути. Ќе се сложиме дека тоа е сепак кратко време, кое речиси секој може да си одвои. Токму поради тоа што добивате најмногу за потрошеното време, а и поради фактот што многумина вежбаа од дома HIIT тренинзите се прогласени за хит на 2020 година. Ова е според анкета направена од Американскиот Колеџ за Спортска медицина.
Што всушност е HIIT?
Тренинзите од овој тип, комбинираат кратки интервали на интензивни тренинзи со преиоди на одмор или важби со помал интензитет. Во фитнес салите и на онлајн тренинзите, овие тренинзи често комбинираат аеробик или кардио движења, со движења со отпор (побавни вежби за одредени мускулни групи).
Сепак, она што го гледаме и она што е истражувано во лабараториски услови не е совршено исто. Истражувањата се правени кога вежбате екстремно кардио (отчукувањата на срцето да бидат до 80% од максималниот капацитет на срцето) 1 до 5 минути, по што следува интервал на одмор, или вежби со драстично помал интензитет.
Како и да е, слични тренинзи ни се достапни и одлични доколку имате само 30тина минути во денот, а сакате да вежбате. Дел од бенефитите од овој вид на тренинзи се: трошење најмногу калории за најкратно време, подобрување на работата на срцето, зголемување на издржливоста и подобрување на мускулната маса. Најинтересниот бенефит можеби е т.н. afterburn или зголеменото трошење на калории по тренирањето. Овој феномен постои кај HIIT тренинзите. На пример по извежбани 20 минути HIIT продолжувате со трошење и до крајот на денот, и трошите калории како да сте извежбале 50тина минути.
Не знам што чекате, до сега ќе имавте извежбано половина HIIT тренинг!
Соработник: Ангела Чурилов – Rituals
Доколку сепак преферирате да вежбате со професионалци, ваков вид на тренинг во Македонија е достапен во Фитнес студиото Rituals, каде во текот на денот може да си одберете некој од 5те видови тренинзи, да закажете термин и да извежбате.
Ако ве убедивме да станете од столчето и да повежбате 20-30 минути во продлжение имате вежби од нашата соработничка – Ангела Чурилов.
