Во најголем дел никако, но сепак има работи кои можеме да ги планираме и ќе ни дадат мир. Многумина од нас се навикнати да планираат, крајот на секоја година носи решенија за следната. „Нова година, нова јас“; „Новогодишни одлуки“… Се само дел од фразите кои ја пратат секоја Нова година, но оваа навистина не знаеме што да испланираме.
Иако новогодишните планови можеби нема да ни се исполнат, сепак навикнати сме на можноста да ги правиме. Во 2021 навистина не знаеме што да посакаме, единствена желба на сите е ние и нашите блиски да бидеме здрави и оваа пандемија да заврши.
Сепак, постојат нешта, кои ни даваат мир и кои можеме да ги испланираме.
Филмови кои ќе излезат во 2021!
Погледнете кои филмови излегуваат во 2021! Договорете се со блиските сите да го гледате истиот филм, а потоа слушнете се (или видете се) онлајн со вино и дискутирајте го. Доколку во 2021 се создадат услови ова можете да го правите и во живо, но е нешто кое не морате да го откажете. Најочекуваните филмови се: No Time to Die. James Bond 007, The French Dispatch, Fast & Furious 9, Top Gun: Maverick и многу други.
Ќе поддржиме домашни музичари. Како? Слушајќи споделувајќи македонска музика, филм, телевизиски програми!
Да, знаеме дека не е исто на свирка, и дома на Zoom, но играјте, смејте се и уживајте. И ова мора да помине, а колку и да е ружно секојдневието, ќе го разубавиме со уметност.
Блиски луѓе кои сакаме да ги слушнеме (или видиме).
За жал физичката дистанца, не направи и социјално дистанцирани. Па така, често заборававме на најблиските иако ни недостасуваат. Ако има некоја позитивна страна тоа што ова се случи во 2020, е тоа што имаме ефтина и достапна технологија. Па така, во 2021 повеќе јавувајте им се на блиските, па и подалечните роднини, пријатели, колеги кои не сте ги виделе… Сите сме во исто, разговорот и дружењето, дури и виртуелното ќе ни дадат надеж дека следната година ќе биде подобра. Доколку се подобри ситуацијата, овие дружби ќе ги пренесеме во живо.
Веднаш одлучуваме, во 2021 повеќе ќе читаме.
Можеби нема да биде на плажа, можеби ќе биде. Сепак доколку не патуваме физички, тогаш можеме да патуваме преку книгите.
Ќе научиме нешто ново во 2021
Без разлика дали ќе научиме да месиме, ќе научиме странски јазик, некоја нова работна вештина, ќе се преквалификуваме… Во 2021 одлучуваме дека ќе научиме нешто ново! Ние ги предложивме апликациите за учење странски јазици, но новата вештина може да е што било. Поставете си цел да научите нешто кое може да го учите и онлајн и физички. На овој начин, ќе имате можност да се приспособите на ситуацијата.
И ПОВТОРНО, кралицата на новогодишните ветувања „Во 2021 ќе вежбам и ќе се храна поздраво“!
На толку бесплатни видеа, како и квалитетни онлајн фитнес програми од нашите омилени фитнес студија ова можеме да го правиме и од дома. Да, знаеме не е лесно да вежбате јога или пилатес додека децата ви скокаат на глава, но подобро е од ништо. Од друга страна, имаме повеќе време за готвење, па може да се храниме поздраво. Македонската кујна изобилува со здрави, а ефтини специјалитети, па здравата исхрана не мора многу да не чини. Секако, дозволени се и денови за уживање, заради психичкото здравје.
Има и други, но овие 5 планови можеме да ги направиме. Тие ќе ни дадат нешто на кое ќе се радуваме во 2021. Нешто за кое ќе бидеме позитивно возбудени, ново во новата година, а нема да зависи од пандемијата. Бидете ни здрави, се надеваме дека набргу ќе заврши ова и ќе можеме силно да се гушнеме. До тогаш држиме физичка дистанца и (онлајн) социјална блискост.
