Принцезата која им беше(била) омилена на Британците, а и на целиот свет била и модна икона на своето време. Интересно е дека таа била толку совршено облечена што нејзиниот стил можеме и денеска да го носиме. Па така, Дијана носела еднобојни сакоа и панталони, чипкани маички, бициклистички и многу други парчиња облека чија мода се врати (или никогаш не си отиде). Одбравме неколку комбинации за модна инспирација.
Широк џемпер, дива коса и долго здолниште. Уште мартинки и недостигаат за да биде облечена како модна блогерка од 21век.
Тенок блузон, сако, капа, Mom’s фармерки и каубојки. Ако денеска се облечеме вака, повторно ќе бидеме фраерки.
Омилениот новитет за сите спортски девојки. Бициклицтички. Секако со Nike Аir патики, високи бели чорапи, мангупски наочари и долг блузон.
Пастелно сини панталони со бели риги, бела кошула, 2 часовника и една ултра интересна чанта. А да, и овие прекрасни наочари…
Еден од нејзините најлегендарни изгледи. За жал годинава се шетаме најдалеку до кујна, па немаме каде да го облечеме. Инаку изгледа прекрасно во тесен црн фустан, со спуштени рамена. А прекрасниот бисерен ланец е сон на сите девојки. Од елегантни дами, до млади и бесни клинки.
Венче, топ од црна чипка, еднобоен комплет со Oversized сако и широко венче. Copy and paste на сите брендови кои прават облека за деловни жени, секогаш.
И последната прекрасна фотографија од принцезата на скали. Кошула под широк џемпер и карирани панталони – звучи познато? Со стилот некако можеме да се носиме, но ретко кој го има тој прекрасен замислен поглед и храброст да им пркоси на сите. А додека Дијана изгледаше вака, се трудеше да донесе промена во свет кој најмалку сакаше да се менува.
Бонус фотографија: иако не се облекуваме вака за на работа, сепак мора да признаеме дека е апсолутно кул. И еднаш да си купиме ваква шапка, макар и за низ дома…
