Од појавувањето на пазарот „ни фати око“, новиот бренд ТОСКА. Така одлучивме да ја прашаме за истиот неговата дизајнерка Ања Макеска. Брендот постои од годинва, почнат во најхаотичната година која ја знаеме. Неговите парчиња облека се смирени, во крем, кафени и црни тонови, но сепак различни и модерни. Навистина не радува идејата и нејзината реализација.
Ја прашавме Ања, како дојде на идеја да го креира брендот и кој “стои” зад него? „Сите сме биле учени дека треба да почитуваме авторитети, но јас сум поборник на друга максима дека секогаш треба “to question authority”. Па, така и почна целата приказна околу брендот. Идејата на брендот е да одговори на оние клиенти кои постојано во животот и работата прашуваат зошто да и зошто не? Зад Toska стојат многу луѓе кои ме инспирираа конечно да го остварам мојот сон. Да им противречам на авторитети кои “знаат” дека некои соништа не се вредни да се сонуваат или некои професии немаат иднина. Сметам дека соновите кои ги сонуваш секој ден вредат да пробаш да ги оствариш, дури и по пат да не успееш. “беше нејзиниот одговор.
Според неа, зад брендот стои се што е таа: мајка и, Кундера, Бертранд Расел, Talking Heads, Benjamin Clementine, Архангел, патерни во природата…
Во периодот на хаос, според дизајнерката, Тoska треба да донесе смиреност. Таа вели дека имаме премногу “noise” во нашето секојдневие, информации кои се неважни, но сепак ни се пласирани, не окупираат и дефокусираат. Toska се труди да ги потенцира спротивните вредности. Во свет на врева и дезинформација да го направи животот на клиентите едноствен, смирен и фокусиран на нештата кои значат. Сакам клиентите да се врзат за парчињата на едно емоцинално ниво, на тој начин јас се чувствувам одговорно за мојата работа.
Се лажеме ли, или во Македонија (конечно) дојде трендот да поддржуваме локални креативци и да купуваме локално?
„Мислам дека не смее да биде тренд купувањето локално. Сметам дека заедницата или припаѓањето некаде е многу важно. Емаптијата исто така. Така што би ми било жал да купувањето локално се смета за некаков тренд, а не за нешто кое природно ни доаѓа.“-ни одговори Макеска.
Со оглед на ситуацијата, македонките сепак купуваат облека и ги поддржуваат брендовите. Брендот Тоска започна да работи во една нова, не многу поволна ситуација но, истовремено предизвикувачка. Тие велат дека ова е ситуација во која може да бидеме пионери, иноватори и да влијаеме врз системските промени кои очајно се потребни.
„Но, во овие времиња во кои моментално се наоѓаат многу мали бизниси сметам дека можноста за пивотирање и адаптирање на новата ситуација не зависи само од идеите, туку и од можностите. Така што верувам дека треба да им се даде шанса на луѓето кои знаат да имаат можност да менуваат, да се искажат и да даваат идеи, нештата кои нефукнционираат да не постојат,“-додава дизајнерката. Така, според неа, ова е тест период за брендот и за идејата, кој досега успешно го решава проблемот на многу девојки.
Со оглед на тоа што сега почнуваат, ги прашавме што е нивната дефиниција за успех?„Многу од претприемачите во својата кариера, најчесто мораат да се соочат со круцијална раскрсница на патот кон успехот. Каде мораат да изберат помеѓу нивната индивидуаност/слобода т.е. сопствен морален компас или комерцијален успех па, некогаш и онаа поговорка целта ги оправдува средствата. Јас сум убедена дека оние кои го бираат првиот избор се секогаш за мене успешни, дури и да не е тоа успехот кој сите го вреднуваат т.е. општо прифатената дефиниција за успех.“
Успешен проект според дизајнерката на ТОСКА е самата мисла за следен проект.
Доколку ви се допадна разговорот (и фотографиите) можете да си нарачате на сајтот www.thisistoska.com и секако на инстаграм https://www.instagram.com/thisistoska/
