Ова е така ако му се верува на истражување спроведено во центарот за истражувања во Остин, Тексас, кое траело 20 години. Во испитувањето учестувале над 1800 испитаници.
Според резултатите, оние кои пијат алкохол живеат подолго. Аналитичарите ги истражувале навиките на испитаниците меѓу 55 и 65 години, како и нивните активностите за време на студијата.
Резултатите покажале дека веројатноста за прерана смрт, всушност е највисока кај оние кои никогаш не пробале алкохол, а нешто пониски кај алкохоличарите. Апсолутно најдолговечни се оние кои уживаат да испијат по некоја чашака дневно. Причините не се во алкохолот, туку во поврзаноста на социјалните навики и алкохолот.
Оние кои пијат умерено, се посоцијални. Односно тие имаат подобар социјален живот, често излегуваат и се дружат со други луѓе. Луѓето кои пијат редовно, но умерено често се дел од најразлични настани, излегуваат на пијалок, повеќе разговараат со домашните и се посоцијални. На овој начин тие го чуваат физичкото и психичкото здравје. Оние испитаници кои се воздржуваат од алкохолот, често избегнуваат настани каде се пие алкохол, а со тоа и комуникација со луѓе. Затоа, тие почесто покажувале знаци на депресија.
Иако овие информации се интересни, немојте да ги земете како поттик за конзумирање алкохол. Тој е добар за дружење, но во умерени количини. Доколку се претера може да има страшни здравствени последици. По некој пијалок нема да ни штети, но внимавајте!
Виртуелно живели, читателке или читателу!
