Ова утро одлучивме да црпиме модна инспирација од познатите. За денеска ги одбравме Ирина Шајк, Селена Гомез и Хајли Бибер. Од мини здолништа, до макси капути. Еве што носат овие девојки низ улиците:
Селена Гомез е една од најпознатите млади пејачки. Нејзиниот стил истиот варира од girly, до рокерски зависно од расположението. Нам ни беше интересен овој ретро изглед кој лесно може да го постигнеме. Како? Голем светол џемпер, само напред вовлечен во светли ѕвонасти фармерки(ѕвоно формата не им е омилена на сите, така може да носите светли фармерки по избор), каубојки и ташна во иста боја (ова е магијата)! Што се однесува до косата, исто така е интересна инспирација, фатете само дел од косата, а доколку имате шишки ќе изгледа уште поинтересно. Да не ги заборавиме и прекрасните обетки. Тоа е тоа, сигурно имате нешто слично по дома!
Хајли Бибере вистинска модна икона. Нејзиниот изглед ќе го искоментираме едноставно, бел џемпер или блузон, бела фармерка и бела патика, а над целата белина макси долг капут со боја на капучино. Совршен аутфит, но внимавајте, не е за дождливи денови! Многу сакам и вакви фризури како ниско врзана коса, особено кај познатите, затоа што сите имаме лоши денови кога е косата во прашање.
И Ирина Шајк. Моделот беше партнерка на некои од најпознатите мажи на светот – Кристијано Роналдо и Бредли Купер, но реално таа е кралица сама за себе. Секогаш изгледа секси, па така и во оваа есенска мини комбинација. Мини здолниште, мала чантичка, голем црвен џемпрер и секако мартинки! Патем не мора да изгледате како Ирина за да носите мини, мини е слобода и секому добро му стои. А да, повторно фризурата од погоре, само сега патецот е малку на страна.
Тоа е тоа девојки, од ретро изглед, до капучино капути и мартинки. Ние обожаваме да црпиме модна инспирација, особено што често ни текнува на парчиња што веќе ги имаме. Ако не ви е доволно видете ги на нашите текстови за инспирација од модните писти на Ралф Лорен и Мајкл Корс.
