… не дека имаме нешто против „Neflix and chill“, ама годинава некако се презаситивме од концептов. Затоа малку пребаравме на интернет интересни идеси за состанок. И, по се изгледа дека дури и во овие тешки времиња имаме опции.
- Играјте друштвена игра!
Ова може да биде интересно и секси истовремено. Може да се кладите во нешто или победникот да му дава предизвици на губитникот. Нема ниту една причина да престанеме да играме, само затоа што не сме повеќе деца. Има одлични друштвени игри за возрасни, пробајте ги заедно! Зошто да не?
2. Возете точак заедно.
Знам ова звучи како романтичен филм, ама не е лошо да се раздвижите малку. Уживањето во двосед, грицкањето и гледањето серии можат лошо да влијаат на холестеролот. Возење точак и/или ролери е одличен начин да бидете активни заедно без да се чувствувате како да вежбате.
3. Направете сендвичи дома и изедете ги надвор.
Да, идејата е пикник. Она што е важно е да нема луѓе околу вас. Може да ги понесете и друштвените игри од погоре. Доколку можете излезете од град, сигурно има прекрасни места кои треба да се посетат. А да, тргнете ги телефоните!
4. Пуштајте си музика еден на друг.
Има нешто секси и интимно во тоа да ја споделуваш омилената музика со некој. Не го знаеш доволно другиот додека не те информира детално на оваа тема. Пример: песна што те потсетува на партнерот, песна што си ја преслушал/а во тин годините, песна што те растажува, омилен бенд, омилена турбо-фолк нумера, песна што не ја поднесуваш, најсекси песна… Ќе има муабет, а и смеење.
5. Правете коктели и пробувајте ги.
Натпревар во готвење е секогаш добра идеја. Натпревар во правење коктели е уште поинтересно. Особено ако знаете дека ќе победите. Полека со алкохолот, но ќе мора да признаеме дека ни недостигаат благо-пијани ноќи. Еве можност да ги направите дома.
6. Гледајте онлајн концерт.
Да. Не е исто. Концерт обично значи публика, гужва и луда енергија. Сепак може да биде интересно ако го направите дома. Играјте, пејте и однесувајте се како да не сте единствени во публиката. Секако, внимавајте соседите да не ви викнат полиција. Или не, доколку сте само вие не правите ништо нелегално. Земете пиво или користете ги коктелите од погоре за таа намена.
7. Направете нешто од категоријата „Направи сам“ заедно.
Може нема да биде совршеното дело, но дефинитивно ќе ве потсетува на фини времиња. А може да правите и облеки обоени или исечени на одреден начин. Ова може да е смешно само по себе.
8. Пробувајте колачи и чоколади од локалните производители
Потребни ви се чисти раце и маски за да ги купите чоколадите. На овој начин ќе ги поддржите локалните слаткарници. Прошетајте на сите препорачани места во градот. Купете мали количини за да може да ги пробате сите. Одберете победници!
Веруваме дека ова е доволно за да не Ви биде досадно. А во иднина се надеваме на подобри времиња исполнети со концерти, диско забави, домашни собири и сето она што не радува. Сепак, и тогаш активностите во пар ќе останат во мода. Доколку сте распар најголем дел од активностите може да ги направите со другар или другарка по избор. Уживајте!
