По дооолго очекување, кое беше дополнително продлонгирано поради пандемијата, конечно ќе ги видиме омилените Пријатели заедно! Имено, екипата од серијата FRIENDS ќе снима нов материјал за нас, нивната верна публика. Специјалната „епизода“ ќе биде објавена на HBO. Еве неколку интересни работи кои е добро да ги знаете:
СНИМАЊЕТО Е ЗАВРШЕНО
Снимањето е завршено. Тоа е потврдено и на официјалниот инстаграм профил на шоуто. Иако истото се одложуваше, конечно материјалот е снимен. 🎬 Според изводи на Deadline снимањето почнало на 5 април. За жал нема информација кога ќе биде објавена епизодата. Метју Пери (Чендлер) претходно објави дека тимот планирал материјалот да стигне до публиката во текот на март. Но, како што знаеме, тоа не се случи…
СИТЕ SВЕЗДИ СЕ ВРАЌААТ!
Ова е освежување, откако во други легендарни серии и филмови сведочиме за намалување на бројот на ликови. Пријателите остануваат заедно. Џенифер Анистон, Кортни Кокс, Лиса Кудроу, Мет Лебланк и Метју Пери ќе се обединат на оригиналната сценографија на Пријатели на Сцена 24 во стуриото на Ворнер Брадерс. во Бурбанк. ‚-те ѕвезди се јавуваат и како извршни продуценти на епизодата.
View this post on Instagram
ОБЕДИНУВАЊЕТО НЕ Е НОВА ЕПИЗОДА ОД ПРИЈАТЕЛИ
Главните ѕвезди ќе се обединат, ќе бидат на сетот и ќе има изненадувања но нема да бидат во улога на ликовите кои сите ги сакаме. Односно, тие ќе дојдат на сет како себеси.
HBO Max објасни во изјавата „…Најпосле, за да се избегнат недоразбирања за специјалната епизода сакаме да објасниме дека ова не е нова, оригинална епизода од серијата. Екипата на Пријатели ќе се појави како себе, а не како нивните сакани ликови“.
View this post on Instagram
Продукцијата е одложена со цел да може да има публика на сетот. Иако сите жалат, Џенифер Анистон е оптимист. Таа вели дека пролонгирањето им дало подолго време за да смислат поинтересни работи кои ќе се случуваат. Како и да е, ние со нетрпение ги очекуваме Пријателите на сцена. Секако се надеваме дека можеби еден ден ќе видиме и нова епизода на шоуто. Во меѓувреме, секогаш е добра идеја да се изгледаат старите епизоди. А тоа може да го сторите на некоја стриминг платформа или на Македонската Радио Телевизија, каде во моментов се емитуваат.
