Свадбите се забранети и тоа е сосема оправдано во овој период на Корона. Сепак, тоа не нè спречува да се восхитуваме на кул венчаниците низ годините. Изминатата година толку ни недостасуваат веселби што дури и најголемите противници на свадбите како да омекнаа. Сè што сакаме е да ги гушнеме блиските и да се радуваме со нив. Ќе дојде и тоа, а во меѓувреме еве неколку кул винтиџ венчаници во црно-бело. Погледнете ги и размислете, дали можеби венчаниците и не се промениле премногу во текот на годините?
Според фотографиите, не е лошо да да ѕирнеме во плакарот на нашите баби и мајки. Ако ништо друго барем ќе добиеме идеја! Винтиџ венчавките се навистина кул. Никогаш не ни е премногу од овие кул црно-бели фотографии. Веќе пишувавме за стилот на југо-фраерките. Доколку имате стари фотографии со интересни приказни слободно пратете ни ги, ние ќе ги објавиме во некој од следните ретро модни едиторијали.
