Како што заладува, така се помалку од нас ќе вежбаат надвор. Оние кои се грижат за себе, имаа навика да одат во фитнес центри, вежбални, теретани итн. Но, голем дел од нив сега се затворени, а голем дел од нас(вежбачите) се плашат да вежбаат во групи. Стравот е оправдан, иако нема конкретни бројки за тоа дали вирусот се пренесува на овој начин. Сепак, се повеќе фитнес тренери, почнуваат да држат онлајн тренинзи. Вие вежбате дома, а тие ви кажуваат што да правите. Не е совршено, ама е најдобро решение.
Како да одбереме соодветен фитнес тренинг?
Голем дел од центрите, се насочија кон одржување на т.н. онлајн тренинзи. Најдобро е да најдете програма и тип на вежбање кој ви одговара, и да платите за тоа. Иако има бесплатни програми, многу малку од нас соодветно ги комбинираат тренинзите сами, а исто така може лесно да се откажете од вежбањето.
Едно од фитнес студијата кои одлучија да понудат и онлајн опција за вежбање е Ритуалс, од Скопје (Тафталиџе). Според нив онлајн вежбањето има многу придобивки. Нема органичување на групите, не е потребно да возите низ гужви за физички да стигнете, ако не живеете во Тафталиџе или во Скопје, и најважно целосно е безбедно во ова време (невреме).
Ги прашавме неколку прашања околу организацијата на тренинзите.
Која е предноста на онлајн вежбањето во живо, во однос на користење на апликации или видеа од интернет?
Најпрво тоа е концептот. Програмата е концепирана така да ги опфати сите мускулни групи соодветни и да даде резултат. Подобро е од апликација затоа што доколку вежбате во живо ве следи тренер, и правилно ве насочува. Од правилното правење на вежбите зависи и резултатот, но и заштитата од повреди.
Што е потребно за да се вежба од дома, дали е потребна опрема?
Тренинзите се креирани без многу опрема, доволен е пар тегови. Иако во Ритуалс имаме тренинзи со најразлични реквизити, сепак онлајн тренинзите се креирани со минимум опрема.
Со обврските кои многу луѓе ги имаат дома (работа од дома, деца, готвење…), можно е да се случи да пропуштат треининг што во тој случај?
Кај нас, тренинзите ќе бидат достапни 24 часа по завршувањето на тренингот. Односно, доколку задоцните или не можете да вежбате во 18:00 тоа може да го направите во друго време во рок од 24 часа. Оваа можност е дадена токму поради тоа што знаеме дека времето и домот кој сега ни е често и работно место, и градинка и училиште, не е секогаш достапен и како фитнес сала.
Што треба да знаат оние кои треба да почнат сега со тренинзи?
Сите се добредојдени, онлајн е одличен начин да почнете (ја нема класичната обврска, а сепак имате тренер), да внимаваат да не се повредат. Секогаш за почетници се препорачува да тренираат со водство, односно со тренер. Добро е и да најават дека се почетници, за да може да им биде посветено дополнително внимание. Но, со време ќе научат и ќе се синхронизираат со групата.
Кога почнувате со онлајн тренинзи и кои денови?
Почнуваме на 09.11, а тренинзите ќе се одржуваат секој понеделник, среда и петок. Секако во студиото, тренинзи имаме секој ден како и до сега, но со намален капацитет.
Каде може да Ве најдат?
На Фејсбук: @ritualsmk ; на Инстаграм:@rituals_studio; а, можат и да ни се јават на:078 281 090.
Без разлика, дали кое студио ќе го одберете, ние веруваме дека сега е време да ги поддржиме домашните тренери. Па така, пред да уплатите еднакво висока цена за апликација, или за програма од странство, искористете ја можноста да тренирате со македонски тренери. Одлични се!
