Какви реклами сакаме да гледаме за 8 Март во 2021 година?

Секоја година имаме два вида осмомартовски реклами од компании, оние кои знаат како и оние кои наместо со жените флертуваат со шака мажи. Зошто...

Весели нокти за сончеви денови

Сонцето секогаш не потсетува на парк, кафенце и шарени нокти. Па така одлучивме да ви дадеме неколку идеи за светли нокти што ќе изнудат...

Маја готви од А до Ш. На буквата С е сарма (нормално)

По разни страни и википедии што сами сме си ги уредувале стои дека сарма е традиционално македонско јадење, но ако прошетате малку по интернет...

Нашите омилени викенд ритуали за убавина и уживање

Грижата за себе е многу повеќе од тоа да изгледаме убаво. Најважниот дел од неа е да си посветиме време на себе, да си...

Инспирирани од Пансионот: Отворениот брак на Ула и Коста

Некое време откако заврши и последната сезона на Преспав одлучивме да пишуваме за темите кои серијата храбро ги обработува. Една од нив е отворениот...

Маја готви од А до Ш: Д-Добош торта

Унгарски деликатес без франшиза. Името го носи по авторот, не по барабанот (Добош).

Господинот Јозеф Добош во 1906 година му го поклонил на светот својот оригинален рецепт, откако увидел дека слаткари и слаткарки пробуваат да го доловат автентичниот вкус на неговиот десерт после неговата прва појава на Унгарската национална изложба во 1885.

Во тоа време тортите биле со многу краток век на траење и употреба (Салмонела не простува). Пандишпанот дебел како леб се филувал најчесто со варен слаткарски крем и шам од матени белки, фрижидерите биле во фаза на конструкција, а за по дома почнале да се употребуваат после 1904година. Маестралниот слаткар Добош, решил да направи нешто по тоа прашање.

Кремот со путер и јајца на пареа го собрал од некое патување во Франција, ама додавката на чоколадо и какао е негова идеа. Во оригиналниот рецепт се додава и путер од какао.

Го разбирам, му се смачило од дебели пандишпани, па решил да ги истенчи! 😊

Фантастичната глазура од карамел, ја додал ем за да го подобри вкусот, ем да е на око лична и различна ама и од практична причина, да ја заштити тортата од сушење.

Со тортата на господинот се сретнав во 1996 или 97 во Струга и се чудев зошто се вика Добош (мал тапан, удирачки интрумент), а е правоаголна. Практичните жени ја прават правоаголна за да не мора да печат 6 теста едно по друго. Во правоаголен плех печеш 2 пати и го сечеш пандишпанот на 3 ремени и добиваш 6 теста! Фантастично практично прилагодување.

Во периодот кога ја пробав не бев нешто многу заинтересирана за готвење ама техниката на ставање глазура и тепачката со време дури да се стврдни карамелот ме фасцинира. Ја гледав мајка ми како ја прави и си велев дека полесно ќе научам интеграли и бином на квадрат отколку ова чудово да го склопам. (за математика сум дрво)! Во табланет не ме играат оти ако има на маса Џандар, дестка и двојка, јас само џандарот го земам). Исто така времето на правење на тортата е обратно пропорционално од времето на консумација.

После 20 и кусур години, решив да земам воздух, да изгребам троа храброст и да ја склопам.

Не е толку тешко колку што изгледа, само е малку пипаво и бара трпение.

За торатата на господин Добош, со мали измени од моја страна потрошив:

За Пандишпан – Тенок колку подебела палачинка:

6 јајаца

100 гр Шеќер во прав

120 гр Брашно

35 гр Путер

Кора од рендан лимон

За Фил:  

5 јајца

200 гр шеќер во прав

250 гр путер

200 гр чоколадо со поголем %. Моево е 60% какао

30 гр какао

Ванила

 Глазура:

130 гр шеќер  

Постапка:

За да ви се сите елементи временски темпирани, почнете од филот.

Јас вака почнав:

Го стопив чоколадото и го оставив да се лади.

5 јајца и шеќерот ги изматив со миксер, дури да се соединат добро, па ги префрлив во сад што може да го ставам на пареа.  Метод познат како Bain Marie.

Бидејќи имам стоечки миксер, откако завршив со јајцата, го ставив путерот да се измати убаво.

Додека се мати путерот, на пареа ги мешав јајцата до моментот на згуснување, треба да добиете убав и густ прекрасен жолт крем.

Од пареa го префрлив садот со јајцата на ладно (во поголем сад со ладна вода) и продолжив да мешам додека кремот не се излади.

Во изладениот крем го додадов какаото, ги соединив, па ги додаов чоколадото и ванилата. Кремот што ќе го добиете ќе ја зголеми својата густина, какаото магично ја собира влагата од кремот.

Така спремен кремот почнав да го додавам во путерот, дел по дел се додека не се соедини целата смеса. Кремот го оставив на страна и почнав да го спремам пандишпанот.  Не го оставајте кремот во фрижидер, ќе се стврдне и нема да може да го размачкате на тортата.

Пандишпанот

Класичен пандишпан во 6 дела.

Ја пуштив рерната да се загрева на 180°.  Ги поделив белките и жолчките од јајцата.  Путерот го стопив.

Белките ги матев во миксер со 50 гр шеќер и пола лажиче сол. Треба да се добие шам со цврстина како за шненокле, малку помеко од пуслици.

 

Жолчките ги матев со мискер и 50 гр шеќер, смесата треба да е убаво изматена, кремаста.  На кремот од жолчки го додадов растопениот путер и со најмала брзина на миксерот ги соединив.

Го додадов брашното. Во вакви соединувачки постапки, брашното го додавам во смесата со цедалка или сито. Рамномерно ми се распоредува по цела површина и полесно е за соединување. На крај ја додадов кората од лимон.

Откако овој дел заврши, почнав да го додавам шамот од белки во смесата и да мешам. Мешање полека без брзање.

Во кружно тавче за печење 22цм,  ставив хартија за печење, (од страв да не се залепи на хартијата премачкав малку путе ) и со лажица чорбалка или кутлача ставив од смесата. Треба да се распореди по цела површина на тавчето и оди во рерна да се пече 6-7 минути или додека не почне да добива кафеавксата боја. Печете со греач не со вентилатор. (Вентилаторот ќе ја исуши кората и ќе се извитка)

Првата кора од тестото е готова! Испечена, извадена од тавче, следува истата постапка се додека имате смеса. Оригинално треба да добиете 6 кори. И да добиете 5 не е страшно. Добош нема да ви прави грижа на совест.

Како што ги печете корите, ставајте ги една врз друга, без да ја вадите хартијата од нив. Ќе си држат топло и полесно ќе се одделат од харијата кога ќе завршите.

За соединување на тортата ви треба:

5 Кори и крем! 1 кора оставате на страна, таа е за крај! Одберете ја најличната!

Редите кора, крем, кора, крем и тн… Кога ќе ги потрошите сите кори, имате крем за да ја намачкате тортата од страна и тој дел е готов.

На хартија или силиконска подлога ја ставате последната кора, со нож ја сечите на парчиња, како дропки! Јас ја поделив на 16 парчиња.  Во близина наместете нож и путер – ќе ви треба да реагирате брзо.

130 гр шеќер ставете ги во тенџерче на оган и напревете го карамелот.  Имате ограничено време за овој дел, карамелот брзо се стврднува.

Истурете го карамелот врз пресечената кора и со ножот брцнете во путерот и размачкајте го карамелот по цела површина.

Потоа, со ножот (повторно брцнат во путер) Поминете по рабовите на кората , за да може да го извадите секое парче поединечно. Ова мора да го направите додека карамелот не е стврднат. Доколку се стврдне, нема да може да ги одделите парчињата, а стаклестата глазура од карамел ќе испука и ќе се искрши.

Друга варијанта е да ги одделите парчињата па да го нанесете карамелот, на секое парче поединечно.

Оладените парчиња од последната кора, ги редите над филуваната торта. Може како мене, под агол со поткрепа од пекан или може хоризонтално како последен слој.

После ова, тортата во фрижидер, Кујната лом, кичмата и коленото не се мои!

Ќе ја јадеме утре!

Добар апетит!

Услови за преземање на содржината
Објавите на nea.mk се оригинални содржини креирани од нашите автори. Забрането е преземање без согласност од nea.mk и без споделување на линк до нашата платформа.
Маја
Маја
Маја готви се од А до Ш. Маја одлучи да избега од градската џунгла и да се пресели во село. Таму има доволно простор и инспирација за готвење на највкусните јадења. За nea.mk Маја ќе подготвува „азбука на готвењето од А до Ш“, со предлози за домашни јадења.
- реклама -

Must Read

Какви реклами сакаме да гледаме за 8 Март во 2021 година?

Секоја година имаме два вида осмомартовски реклами од компании, оние кои знаат како и оние кои наместо со жените флертуваат со шака мажи. Зошто...

Весели нокти за сончеви денови

Сонцето секогаш не потсетува на парк, кафенце и шарени нокти. Па така одлучивме да ви дадеме неколку идеи за светли нокти што ќе изнудат...

Маја готви од А до Ш. На буквата С е сарма (нормално)

По разни страни и википедии што сами сме си ги уредувале стои дека сарма е традиционално македонско јадење, но ако прошетате малку по интернет...

Поврзани објави

Какви реклами сакаме да гледаме за 8 Март во 2021 година?

Секоја година имаме два вида осмомартовски реклами од компании, оние кои знаат како и оние кои наместо со жените флертуваат со шака мажи. Зошто...

Весели нокти за сончеви денови

Сонцето секогаш не потсетува на парк, кафенце и шарени нокти. Па така одлучивме да ви дадеме неколку идеи за светли нокти што ќе изнудат...

Маја готви од А до Ш. На буквата С е сарма (нормално)

По разни страни и википедии што сами сме си ги уредувале стои дека сарма е традиционално македонско јадење, но ако прошетате малку по интернет...

Нашите омилени викенд ритуали за убавина и уживање

Грижата за себе е многу повеќе од тоа да изгледаме убаво. Најважниот дел од неа е да си посветиме време на себе, да си...

Поврзани објави

Какви реклами сакаме да гледаме за 8 Март во 2021 година?

Секоја година имаме два вида осмомартовски реклами од компании, оние кои знаат како и оние кои наместо со жените флертуваат со шака мажи. Зошто...

Весели нокти за сончеви денови

Сонцето секогаш не потсетува на парк, кафенце и шарени нокти. Па така одлучивме да ви дадеме неколку идеи за светли нокти што ќе изнудат...

Маја готви од А до Ш. На буквата С е сарма (нормално)

По разни страни и википедии што сами сме си ги уредувале стои дека сарма е традиционално македонско јадење, но ако прошетате малку по интернет...

Напишете коментар

Ова поле е задолжително!
Внесете го вашето вашето име!