За викенд, а особено за вакви викенди кога не излегуваме, често знаеме да се улежиме. Тоа може да води кон повреди, вкочанетост и што се не. А сите сме виновни за ова, барем неколку викенди во годината! Затоа е важно, по долго лежење (пред телевизор, лап топ, Нетфликс, на телефон, или со книга) добро да се истегнеме.
Затоа ви подготвивме една многу едноставна рутина за тегнење. Изгледа лесно и едноставно, но верувате дека многу ќе би помогне. Можете да ја повторите неколку пати. Овие вежби се добри и за утринско истегнување, пред работа. Се што ви е потребно е средно висок потпирач од мебел (двосед, тросед…) или долен дел од просечно високо столче. (ВИДЕТЕ НА ВИДЕОТО)
- Ги ставаме двете раце на површината, нозете се во ширина на колкови и оставаме главата да пропадне меѓу рацете (држиме во оваа позиција додека убаво не ни се истегне целиот грб).
- Од истата позиција почнуваме да го движиме торзото нагоре и надоле. Земаме кога се движиме нагоре и издишуваме надолу. Пробуваме секој пат се подлабоко да влеземе во позицијата меѓу рацете, потоа задржуваме во таа позиција и ја движиме главата лево десно.
- Од тука, ги носиме лактите на подлогата, со двете раци пробуваме да го допреме горниот дел од `рбетот или меѓу плешките. Главата ја оставаме повторно да пропадне меѓу рацете (повторно држиме во оваа позиција) и продолжуваме со движења нагоре надоле. – Ако ова не ви е доволно истегнување може да се зголеми интензитетот на истегнување со споени нозе, застанување на прсти или пак споени нозе на прсти. Внимавајте да не претерате.
- Повторно се враќаме во почетната позиција со двете раце на подологата и истегнуваме една рака надоле, па потоа другата.
- Ги носиме двете раце до нозете и истегнуваме.
- Полека се креваме нагоре, прво од колковите, па грбот, братот и најпосле главата. (ако избрзате и главата ја кренете прва, може да ви се сврти).
Погледнете ја целата рутина на мојот инстаграм профил:
View this post on Instagram
Заследете ги @nea.mk_ и @natalina.poledance за повеќе содржини поврзани со спорт и корективни вежби.
Тоа е тоа. Лесна рутина, ама чуда прави. А не заборавајте да се истегнете и на работа доколку предолго седите на компјутер, еве ги нашите вежби и за тоа.
