Ние во nea.mk многу сакаме свежи модни иницијативи. Така ги најдовме NAMIKA. Македонски бренд кој има за цел да креира сезонски „must have“ парчиња. Изработуваат парчиња во ограничени количини, грижејќи се за соодветен третман на вработените.
Тие работат преку нивниот онлајн (инстаграм) профил, и велат дека за почеток интересот е огромен. Ги прашавме основачките на НАМИКА, за брендот и еве што ни кажаа: „Целосно сме вклучени во сите чекори од производството на едно НАМИККА парче. Дизајните ги изработуваме ние со особена грижа за материјалите од кои се изработени. Тие се шијат во склоп на мала шнајдерска работилница, со ограничен број на текстилни работнички, но нашата максима е приоритизирање на квалитетот пред квантитетот, како и грижа за условите и правата на секој кој со својот труд допринесува кон производот. “
Цените на производите се пристојни и се движат од 800 до 1300 денари. Со оглед на тоа што работничките се фер платени, оваа цена е релативно ниска. Парчињата се изработени од квалитетни матријали, во ограничени количини, а со нивното купување поддржуваме локален бренд.
„Визијата на нашиот тим е НАМИККА да се развива како разговор. Стремиме кон тоа да сме во постојан дослух со нашите клиенти, не само за да одговориме на нивните модни потреби и желби, туку и како платформа која ќе служи за вокализација и активизам за најразлични теми од општествен интерес. Еволуцијата ни наложува отфлање на застарените парадигми за “совршеното женско тело”, моделите од нашиот бренд се наменети да, токму за совршеното тело, а тоа е секое тело во кое жената се чувствува добро. НАМИККА креира облека што ја прати линијата- на
женското тело кое испишува историја.“-изјавија од НАМИКА за nea.mk
Само напред девојки!
