Како што заладува, а особено во есен кога времето е променливо, така се повеќе носиме марами. „Како да ја врземе марамата?“ не знам дали и вие се соочувате со овој проблем, ние да. Па поради тоа ви предлагаме 5 начини за врзување на марамата.
Истите се преземени од YouTube каналот на Џенифер Џу, и на крајот од текстот има видео објаснување. За овие стилови ќе ви биде потребна голема правоаголна или коцкаста марама.
- Како што ја носат познатите (Celebrity style)
Ја вртите околу вратот два пати. Делот кој го вртите потоа го протнувате низ направеното дупче. Тоа е тоа! Изгледа опуштено, а на овој начин нема да ви се одврзува.
2. Класично врзување
Ја делите марамата на половина. Ја вртите околу вратот и низ дупчето го протнувате другиот дел. На многу од нас вака им ги врзуваа шалчињата како деца.
3. Како познатите, ама различно…
Третиот начин е сличен како првиот, повторно два пати ја вртите марамата околу вратот. Разликата во овој начин е само тоа што ги оставате краевите да паѓаат. Изгледа кул и одлично одговара со кошула или сако, доколку сакате потренди изглед.
4. Како целосна марама
Овој трет стил е навистина кул, и дава огромен волумен. Беше вистински хит и минатата сезона, кога се продаваа целосни марами. Но може и сами да си ги направите. Правите форма на голем триаголник, ги врзувате краевите и потоа ја обвиткувате марамата околу вратот два пати. Тоа е тоа!
5. Хипи
Не ја врзувате марамата, само ја префрлувате преку рамената од двете страни. (видете на видеото). Многу хипи, односно хипстерски.
Доколку ова не е доволно за вас во продолжение има и видео објаснување. А ако ви се малку овие 5 начини, погледнете го второто видео со 20 начини да врзете марама!
