Со оглед на тоа што сезонава сакаме се што е удобно, не е ни чудно што полудуваме по Oversized капутите. Она што е интересно е колку (проклето) добро се вклопуваат во секој стил. Па така ги носиме со се, од секси здолништа и штикли, до тренерки и патики. Еве 5 начини како можете да го искомбинирате ова ултра тренди парче кое заштитно за зима 2020/21
Со светли фармерки
Овој изглед претпоставува дека под капутот (пепито или некоја неутрална боја), ѕиркаат светли фармерки. Комбинирајте со ролка во слична боја, накитот е секако плус. Ви недостасуваат уште наочари за сонце и изгледате како Холивудска ѕвезда, макар и за до продавница.
Со високи чизми и баретка
И мини здолнипте. Зошто да не, сепак ќе ни биде потопло отколку со кратко јакниче. Изгледа навистина кул. Белата долга кошула исто така е еден од заштитните знакови на сезонава. Се надеваме дека зимава ќе можеме барем еднаш вака да се дотераме. Доколку не, следната сезона, сигурно.
Со еднобојна, топла облека
Да се разбереме, ако одлчиме да носиме толку долг капут, веројатно надвор е ладно. Затоа можеби и најинтересни се овие комбинации, во кои нема да смрзнеме, а ќе изгледаме одлично.
Совет: Доколку капутот е темен, под него комбинирајте светла облека и обратно.
Со тренерки и мартинки
Да, во кое било друго време ќе ви се стемни пред очи од оваа помисла. Но, 2020 никако не е нормална година. Годинава се комбинираме со тренерки и ни изгледа одлично. А во тоа се, очигледно спаѓаат и долг мантил и мартинки. Не знам дали премногу долго сме во тренерки, но мене ова ми изгледа прекрасно.
Со облека во иста боја
Нема да должам, тоа е тоа. Ако погоре ви кажавме да облечете нешто во спротивен тон, тука ви велиме дека не мора. Она што го прави „мангупски“ изгледот е тоа под капутот да не биде шарено. На тој начин, огромниот капут, ќе доминира.
Уживајте во удобноста и топлината. Годинава се е дозволено единствено во однос на модата. Во однос на останатото, се придржуваме кон мерките и во секоја комбинација, вклучуваме заштитна маска.
