На радост на оние кои ги сакаат, другарките од Њујорк се враќаат со трет филм. „Сексот и градот 3“, бројот 3 најверојатно е среќен за трите другарки Кери, Миранда и Шарлот, но не и Саманта. Имено во последното продолжение на култниот филм, нема да глуми Ким Картал. Овој лик, беше олицетворение на делот Секс, во Сексот и градот, и за многумина омилен лик. Саманта со нејзините невкусни (но кул) шеги и без грижа и оптоварување за тоа „што мислат другите“ ќе биде тешко да се замени.
Како и да е, се радуваме на продолжението. Барем оние од нас кои ја сакаат оваа серија. Имало и има такви кои не се фанови на начинот на кои жените се прикажани во „Сексот и градот“. Сите другарки, се убави, богати, успешни жени. Сепак потрагата по г-дин Совршен, или г-дин Некојси, или г-дин Добро друштво е еден од главните фокуси во Серијата. Од друга страна убаво е да се види женската дружба, поддршка и меѓусебно прифаќање кое го има во серијата. Прекрасно е да се видат девојките кои блескаат и во нивните 50ти години. Едвај чекаме да го видиме официјалниот трејлер. Во продолжение е мал тизер:
Во време кога речиси очајно ни недостигаат другарките и дружбите какви што ги знаеме, „Сексот и градот 3“ ќе дојде како нарачан. Кажете им на другарките!
P.S. За исклучувањето на Саманта се надеваме дека ќе се предомислат во последен момент.
