Често слушаме дека е важно да се има здрав животен стил и да се грижиме за себе. Одлична реченица, но што всушност вклучува во себе? Во продолжение од 1 до 9 ќе ги споделиме здравите навики кои треба да ги практикуваме (колку можеме повеќе). Она што е важно е да се трудиме да го постигнеме тоа, сепак да не „се јадеме“ премногу ако не успееме, баш секој ден да го живееме совршено.
1 Сесија вежби дневно
Сесијата не мора да трае 1 час. Може да биде полесен тренинг, но важно е да се движиме. Не само за нашето тело туку и за нашиот ум.
2 Часа без телефон пред спиење
Ова е одличен начин да се опиштите. „Скролањето“ на социјални медиуми пред спиење често се поврзува со несоница, вознемиреност и потресеност. Пред спиење прочитајте книга, пуштете филмче, напијте се винце, слушнете се со некој кој ви е близок…
3 Оброци и 3 здрави ужинки
На овој начин нема да бидете прегладни. Кога има предолга пауза помеѓу оброците, често се јавува потреба од шеќер па јадеме нешто кое не е здраво. Ова често води и кон прејадување. Планирајте ги оброците.
4 Паузи
Паузите се важни за нашето здравје еднакво колку и работата и активноста. Одморете, истегнете го грбот, направете кратка пауза со колегите. Ќе се вратите на обврските посвежи.
5 Оброци кои вклучуваат овошје и зеленчук
Тоа не значи дека треба да јадете само овошје и зеленчук. Внесете нешто здраво во секој оброк и ужина. На пример доколку доручкувате кајгана, додајте зелена пиперка.
6 минути медитација
Повторно, дел од оние 4 паузи нека бидат и овие 6 минути. Бидете присутни во моментот и целосно опуштете се.
7 чаши вода
Да, знаеме дека не е толку лесно колку што изгледа. Но, имајте шише покрај себе цело време. Така се намалува веројатноста цел ден да не се напиете ниту чаша вода.
8 часа сон
Ова го знаете. Сите се трудиме да ги најдеме тие 8 часа. Сепак, важни се. И за убав изглед и за добро функционирање на организмот. Ако ништо друго, оваа 2020та барем добро се отспавме.
9 илјади чекори
Една од добрите страни на технологијата е тоа што не потсетува на нашите цели за здрав живот. Една од нив нека биде да направите барем 9 000 чекори дневно. Одењето е одличен тренинг, и за телото, но и за мозокот.
Знаеме дека е многу и не заборавајте да одвоите време за пријателите макар и по цена на некоја од горенаведените активности. Според еден од нашите текстови, социјалниот живот (па дури и оној преку стиминг платформа) е важен за долговечноста.
