Елена Романова од Сити Радио успешно не враќа во детството со оваа топ листа. Листата завршува со нов модерен бенд, но спомнува и неколку бендови кои ги помниме по веселите текстови и песни. Многу хумор, смешни танцови, добра забава и убави луѓе поминуваат низ спотовите на овие мк бендови👇
Магија – Ќе ми треба магија
Група којашто беше многу популарна кон крајот на ’90. И без разлика што постоеа само три години, издадоа песни коишто ги потпевнуваме и денес. Автор и основач на оваа група беше Јован Јованов. Нивните хитови како “Магија” , “Буду DJ”, Светло се Гасне” , “Помислувам на тебе”, “Низ оган да минувам”, “Кажи ми” и до ден денес ѝ се добро познати на македонската јавност. И секако да не ги заборавиме кореографиите на песните. Сигурно се насмевнувате.
Нови дечки – Забава да бесвест
Сигурно се сеќавате на овие момци коишто никогаш не сокрија дека слабо стојат со вокалните способности, што е можрби и симпатично. Се уште се танцува на оваа песна, но ве потсетуваме и на “Алиби” и ” Пепелашка од наше маало”. Дарко Димитров стои во позадина на популарноста на овие четворица момци. И како беше: преку ден еооо, цела ноќ еоо, луѓе џган џез џез, забава до бесвест. (И оп, сме пораснале)
Нокаут – Телефонскиот број не постои
Се уште популарни на македонската сцена, особено со акустичните концерти изминативе години. Направија пауза и на музичката сцена се вратија во 2006 година. Основач на групата е Никола Перевски – Пере кој заедно со Кирил Колемишевски (втор вокал), Ацо Богдановски (перкусии) и Владимир Крстевски – Франц го формираа првиот состав на „Нокаут“. Досега имаат издадено 3 албуми. Им посакуваме и понатамошен успех.
ТНТ – Блиц афера
Андреј Георгиевски или сега Андреј – ДНК со оваа група ја започна својата музичка кариера, заедно со Живко Бадев и Виктор Крстевски. Од тогаш се поминати 24 години. “Во боја” и “Минско поле”, се останатите песни по кои ги препознаваме овие момци. Ве вративме назад нели?
Фанк Шуи – Ветер
Повторно овие момци се на нашата листа. Прво зошто се одлични, а второ зошто се македонски машки состав. Иако далеку поразлични, нови и алтернативни. Покрај останатите песни, сега актуелна е нивната последна “Ветер”, а спотот е јадотката на шлагот. Според многумина, можеби оваа песна е најомилената кај фановите. Ако не стр ја слушнале, направете го тоа веднаш, ако веќе ја знаете, сигурни сме дека ви била на рипит.
